Deutsch  Italiano
 

Da tge sa tracti?

Il chantun Grischun lavura vi d'ina nova lescha d'uffants e da giuvenils e s'interessa per las ideas ed opiniuns dals giuvenils.

Cun francar ils secturs «promoziun» e «participaziun» en la lescha èsi pussaivel da stgaffir en il chantun Grischun ina basa per orientar la politica d'uffants e da giuvenils vers l'avegnir. La finamira surordinada da la politica d'uffants e da giuvenils è quella da concepir las cundiziuns da viver dals uffants e dals giuvenils uschia, ch'els pon sviluppar optimalmain lur persunalitad.

Dals 4 d'avrigl fin ils 17 da matg 2025 han tut las persunas giuvnas da 12 fin 25 onns en il chantun Grischun pudì far valair lur giavischs per la futura politica d'uffants e da giuvenils. Ils resultats da quest dialog vegnan ussa integrads directamain en la lavur per la nova lescha. Actualmain vegnan elavuradas las basas per la consultaziun. La consultaziun tar il sboz da la lescha è planisada per l'onn 2026.

Partenaris dal project: jugend.gr, FSPG